زمسون درشونه فصلِ بهاره

زمسون درشونه فصلِ بهاره بلبل خونش ای انه دواره

ککی دار دارِ سر کوکو بزنه ونوشه شه جمه ره کنه پاره

سبزه سرکشنه گل تیتی زنه بچا بچا درنه نو بهاره

دار شه سبزِ قوا ره نو هاکنه ککیمار انه اسپه دل دیاره

کیله او روش دکفه زنده بووه پاپلی پر بزنه ای بهاره

افتابِ سو صحرا ره مشت هاکنه چلچلا دگرده پیغوم بیاره

آدم چه خِشه که غم ره او هاده دِ روزِ دنیا گِردِنه دِواره

+ نوشته شده توسط منصور پولادي در سه شنبه هفدهم اسفند ۱۳۹۵ و ساعت 10:16 |

برچسب: نویسنده: نوید عابدی تاريخ: چهارشنبه 24 خرداد 1396 ساعت: 15:29